بعد الي صارلي اليوم
لا سلام ولا كلام لان العبرة خانكتني وعيوني
جارحتني وخشمي نقط مطر مطر مطر على الي
صارلي وجرالي وجوارينه ام جبار عالكه المسجل
مالتها كله قرايه مال باسم الكربلائي ومله جليل
ونزارالقطري وام جاسم
نزعت الدشداشه الستن الالوان مالتها ولبست دشداشه
سوده وعلنت اربعين يوم حداد على الي صارلي وجرالي
وام زعبور شغلت اسطوانه النك على ابو زعبور من هسه
واتكله معليه معليه معليه لازم من هسه توصيلي جدورة
كبار مال تمن وقيمه واتجيب وياها 10 كيلوات لحم
و10 كواني تمن حتى تطبخ من هسه وتوزع تمن وقيمه
على النسوان بقرايه ام جبار الي مسويتها على مودي و
البنات والصبايا كلها نافشات شعرها واعلنوا الاضراب
عن الزواج وطلعوا مضاهرات بالكاضميه والاعظميه و
الكراده والمنصور احتجاجا على الي جرالي
وراح اكشفلكم كل اوراقي
لان بعد ما بيها مجال ولو تلحكون عليه ولو
لا والي يرد يستفاد مني او عنده سوال او عنده
فد ملاحظه خلي ايكلي عليها هسه قبل ما يفتقدني
والي عنده اي استفسار او ثار او دين خلي يكلي
عليه لان اليوم اني موجود باجر الله اعلم احتمال
متلكوني واسألوني قبل ان تفقدوني لان راح اروح
وبعد ما ارجعلكم والي عنده عتب عليه او اي شي
خلي يعذرني ويسامحني لان هاي دنيا كلشي يصير
بيها واذا اني اليوم موجود فباجر شبر واربع اصابع
ال الله شكول
وهسه اني راح اروح واودعكم وابروني الذمه لان
ايام العيد قربت وموعد النوم مالي اجه فمرخصتكم
اروح اقضي العيد بالنوم وارجعلكم انزول عليكم ادري
هسه بالكم راح لبعيد لتخافون اني باقي ومراح اموت
وراح ابقه موغف على قلوبكم
:D:D
الأربعاء ديسمبر 24, 2008 11:46 pm
