الحمل (فطيمة)..
كبر عقلك بالمواضيع العائلية(طول شعرك ولا تزين لحيتك..واضمنلك راسك يصير بكد كرة السلة).....
الجوزاء (نفرين)..
اصعب شي بالحياة اختيار شريك الحياة...وتقشير البصل واحلى شي من هو مثل كل مرة(الحامض حلو)....
الأسد (بزونة ابو الشعر)...
طريقك للثلاجة ليلا محفوفة بالمخاطر..لو تخزن البتيتة جوة الفراش اهواية احسن....
الميزان (2ميز)....
الرمانة اللي راح توكع على الميز اللي انتو كاعدين بيه...
احمر ويخبل...فرطوها بيناتكم واكلوها لو سووها شربت...
القوس (أعوج)...
عوف الطرق الملتوية...واطلع كبل ومن توصل لجواد ابو الباجلا سلمانا اهواية عليه.....
الدلو (ابريج)....
الشباك اللي يجي منه ريح دير بالك اتسده...لآن ديكولون تموز وآب كلش حارة هلسنة....
الثور (حولي)....
العلاقات العاطفية عاوية هاي السنة...حل على التجارة وعلى المولدة لمن تطفى الكهرباء مو تسب الظلمة ترة يزعل....
السرطان (هو سرطان)....
بدل الأغاني اللي دتسمعها هسه...وحول على سماع اغاني ام كلثوم لآن راح ترجع موديلها...إتفرج على سبيس تون....
العذراء (بكر).....
قصص الأطفال راح تذكر اهواية من فضائلك....
فداوم على قرائتها ليلا بعد الساعة الثانية...كلش مهم....
العقرب (عكروبة)....
زلزال بقوة(6) درجات على رختر راح تضرب فراشك من ابوك يكعدك الصبح وانت متأخر عالدوام....اكعد من الثلاثة بالليل....
الجدي (صخل)....
الفيتامينات مصدرها الفواكه توجه نحو الخضر وبعدين اخذ الفرع الرابع ورة البانزين خانة.....
الحوت (سمجة).....
لاتوكف مكتوف الايدي لو شفت صديقك يتعارك....صفك وشجع احد الطرفين....
الثلاثاء أغسطس 19, 2008 1:50 pm
