بسم الله الرحمن الرحيم
شونكم شباب وصبايا جبتلكم قصيده كلش حلوه يا رب اتنل اعجابكم
واريد رايكم بيهه القصيده بعنوان حروف عراقنا
حروف عراقنا حرب وحب .......... حرف يبجي وحرف فرحان كلش
ارى عين العراق دما يصب ....... واشوف الراء يتمركص على الدش
اما الالف لما قيل هبوا..............نزل عاف الربيه وبالحفر خش
وتحت القاف نيران ستخبو ...... عبن هاجر فحمها وبس بقى الجش
وفي الحركات تنديد وشجب .... همس لثنين والثالث يگول اش
ايا جبلا بسفحك لاح شعب ....... شجاك بصفحه التل اتخشخش
ايا نهرا وفيك الماء عذبا ............ عجب شايل جداري وتشحد الدش
ايا جيشا ولم ترعبك حرب ....... عجب جفك رعش من سيفك عطش
ايا نخلا وخلف الشوك تحبو ..... جنت رمز الشموخ شبدلك هش
ايا قلبا بقبك مات قلبا ........... وكت شاف النبض ضاع وتهمش
ارى في الشرق مس القاف شطب ........ واشوف الشر مثل اعمى ايتكمش
وعرش عراقنا للغرب لعب ............... مثل شطرنج كل نقله ملك كش
وليس يلوك لحم الغرب غرب .......... واشو احنه بصلافه ببعض ننهش
خيول الصدق في الميدان تكبو ......... عبن حتى الصعد على المنبر يغش
طيور الموت فوق السرب سرب ....... ولا ضل للحمام بهالوطن عش
اذا استولى على الاعشاب ذئبا ....... خما يشلي الغنيم ولهن يحش
سينبت في عيون الشاة عشب .........واذا يسرح طليها بعينه يبلش
وما للذئب في ما حل ذنب ............. اذا راعي الغنم لا هش ولا نش
نطالب بالقشور وضاع لب .............. مثل غركان بالجيشه ايتكلبش
ايا وطني وبيك الاعمار صعب ....... اذا محد يبني وكلشي تفلش
م ن ق و ل
الأربعاء أغسطس 06, 2008 3:36 am
